Nasobrahan ka-estrikto ang STC

With all due respect niining  mga learning institutions nga exclusive for girls nasobrahan ra usahay ka estrikto ngadto sa ilang mga estudyante.

Wa ko moingon nga undangon ang  pag-disiplina sa mga bata kay importante kaayo alang sa pag-preserbar sa atong  mga maayong pamatasan ug mga hiyas.

Apan maayo unta nga flexible kita usahay kay wa gyuy perpekto nga matang sa disiplina.

Sama ra gyud kini sa kaugalingon nga kun sobra kahigpit ang mga ginikanan moabot ra gyud ang ponto nga mag-rebelde ang bata.

Di na lang gud unta magminaot ang mga kadagkuan sa eskwelahan kay lahi na gyud ang mga batan-on karon kay sa karaang panahon. Naa pa bay Maria Clara karon?

Usa sa nakahatag og dakung tampo sa dakung  kausaban mao ang advent sa technology ug ang impluwensya sa komunidad sama sa mga  law-ay nga talan-awon, salida ug ubang mga butang nga hugaw sa atong panan-aw.

Naluoy kaayo ko sa usa  ka 4th year high school  student sa Saint Theresa’s College ning dakbayan kay dili makaapil sa ilang graduation ceremony karong petsa 30 tungod kay nakahimo og kalapasan sa ilang student manual nga maoy rules and regulation sa tunghaan.

In fairness sa bata ug sa  pamilya ang  maong mga binuhatan gawas sa campus sa STC.

Ang giingong mga violations sa patakaran sa STC sa maong  minor de edad mao kining mosunod:

Sec V. D no. 8 pg.28 -Possession of alcoholic drinks outside the school campus;

Sec V. D no. 20 pg. 29 – Engaging in immoral, indecent, obscene or lewd acts;

Sec V. D no. 23 pg. 29 – Smoking and drinking alcoholic beverages in public places;

Sec V. B no.  2.2 pg. 27- Apparel that exposes the underwear (Clothing must not advocate unhealthy behavior depicts obscenity; contains sexually suggestive messages, language or symbols)

Sec  V. D no. 25 pg. 29 – Posing and uploading pictures on the Internet that entail ample body exposure.

Kun nasayop ang bata dili unta  pun-an ang pagpakasayop sa taga-eskwelahan. Nahatagan ba  og substantive due process ang bata sa wa pa nila hukmi nga dili paapilon sa graduation?

Inay silotan nga dili paapilon sa graduation nganong di na man lang ipaubos sa rehabilitation ang bata ug  hatagan og seminar?

Dili ba kasupakan sa tawhanong katungod ngadto sa bata ilabina sa balaod sa Special Protection of Children ubos sa Republic Act 7610?

Kun nakahatag og konsiderasyon ang atong mga madre ngadto sa mga pari nga nakahimo og eskandalo sa Simbahang Katoliko nganong di man sila makahatag og susamang tratamento sa tinun-an nga nagkinahanglan sa tanang  pagsabot ilabina nga kuwang pa intawon kaayo sa  insaktong panabot bahin sa mga sensitibong butang?

Samtang akong gi-discuss kining maong isyu sa akong programa sa dySS Super  Radyo, nakadawat ko og mga text messages nga pabor sa STC.

Usa sa mga text sa mobile phone number (09359093417) nagkanayon  nga “Kun dili padisiplina ayaw lang pagpa0enroll sa estrikto nga school”.

Laing text sa mobile phone  number  (09322100044)  nagkanayon nga “Jus a reaction to what u dscussd 2nite.The student s liable 4 her acts. She knew 4 a fact dat f she uploads something on d Facebook, there s no guarantee as to its secrecy. N fact, ds s d cause of a lot of scandals. Ds stude knows the no no of d skul, so why court  trouble? And its not a reason dat jus bcoz we r modern dat going w d flow s acceptable. Im sure even d principal of Lahug Christian School wud react  f she/he sees her/his hi skul stude w cigarette n beer on hand. I even dislike seeing women n ds state.D look like whores, sori for d term. F d skul s strict, its but natural, walk the talk as d say. D stude s an epitome of d school jus as ur children r ur reflections. F she will not learn how to follow rules ds early, then when will she start? The trouble nowadays s dat most people r very cynical when confronted w conservatism. We really lost ds value”.

Misamot akong  kaluoy sa bata niining  ubang tunada sa text kay gihinganlan siya niining mga ngil-ad nga termino nga alang nako “inhuman”, “degrading” ug “prejudicial” kaayo sa bata. Mao ni ang mga taphaw nga huna-huna.

Maayo untang huna-hunaon ba nga wa pa intawon  mahimong madre ang estudyante.

Kagahapon atl sa court hearing ni Regional Trial Court Judge Wilfredo Navarro gihatagan niya og higayon nga makaduso sud sa 24 oras ug respective memoranda ang abogado sa STC nga si Romeo Balili ug ingon man ang  mga abogado sa pamilya sa bata nga gipangulohan ni Enrique Lacerna.

In fairness sa bata, giklaro ni lawyer Lacerna nga wa gani intawon mahibawo kun kinsay mikuha kaniya og  hulagway ug labaw nang  way kasayuran  kun kinsa  ang nag-upload sa konrobersyal nga hulagway sa iyang Facebook account.

Apan si Balili sa STC misugilon nga kining gipatuman nga disiplina usa ka  mensahe nga seryoso ang eskwelahan ilabina ang mga madre nga nagdumala aron pagpalig-on sa moral values nga maoy importante kaayo ning panahon nga daghan nang naglatagaw.

Si Judge Navarro intresado nga makahupot og kopya sa mga hulagway kay siya maoy mo-appreciate kun bastos ba gyud.

Maglaum ko nga kahatagan og hustisya ang bata ug ang korte maoy mopapaso kaniya karong Biyernes aron mawa ang iyang trauma ug sa pamilya ug aron ipasabot kun unsa ka makiangayon ang hukmanan ngadto sa mga gilapasan sa katungod.