D’ Fish and the cliches

Manghinaot kita nga dili sunog ang headline sa atong mga pmantalaan karong adlawa. Kay sukad pagsulod sa buwan sa Marso maghilak ang adlaw nga way maguwang nga sakyanan sa bombero.

Dili lang sa ta maghisgut og sunog. Mag igat-igat lang sa ta. Sa “Dating Tips” sa Yahoo mi lista silag unom ka “dating clichés that are actually true.” Ania ilang lista:

1. Hooking up on a first date probably won’t lead to love.

2. Beautiful women expect men to pay for their dinner on dates, and men are happy to offer.

3. Men enjoy casual flings more than women do.

4. Men get uncomfortable when women cry in front of them.

5. Bad boys are especially sexy.

6. Men prefer younger women; women prefer rich men.

So tingali makapangutana kag -what else is new? Pero kining ilang mobung artikulo may mga gidugang nga makalingaw nga explanation. Sama pananglit sa ilang take sa #4 nga may kalabutan sa reaksyon sa lalake sa babaye nga gahilak. Matud pa nila -female tears actually contain odorless chemicals that physically turn men off. Nagkanayon ang write-up nga 71% sa mga lalake nga ilang gipasimhut og luha sa babaye nakuhaan og sex drive.

Ug mipadayon kining article nga ang appeal sa bad boys ana-a sa ilang daw siging nasuko nga panagway. Ganhan kuno ang mga kabayen-an niani kay nagpasabut kuno kinig kusog. Mas matandog silag ingon niani nga anagway kay sa smiling o gatingsi lang nga nawong. Busa mga pare koy pag muromuro dayon mog dunay gwapa nga moduol ninyo.

Hinuon, related ra nag #2 ug #6. Kay kon guapa tuod ka nganong mobayad man ka nga daghan mang mo libre nimo. Ug sa bahin sa mga lalake, nanong mo gasto man kag dili gwapa unya gungals pa…gawas na lag mokandidato ka pagka konsihal. Nagkanayon ang maong article nga pag-gasto sa lalake usa ka investment. Ug sa ingon lang niani nga paagi duna siyay chance for a second date. Bitaw kinsa mang gwapahay mobalik pagkuyog og tihik.

Gisulat kining maong article ni Elise Nersesian ug mabasa mo kini sa https://yahoo.match.com/y/article.

* * *

Gawas sa sunog, ang buwan sa Marso gibantayan usab sa uban isip ting binayluay og player sa NBA. Ang “big fish” sa trading deadline karong tuiga mao ang center sa Orlando Magic nga si Dwight Howard. Apan wala mobiya si Howard si Orlando kay miuyon king 1 year extension.

Hinuon ang Los Angelis Lakers maoy nakuhaan og D’ Fish. Ang ilang beterano nga gwardia nga si Derrick Fisher, ilang gihatag ngadto sa Houston Rockets. Ang lain nilang gibuhian mao si Luke Walton. Nakuha sa Lakers mao sila ni Jordan Hill (forward gikan sa Houston) ug Ramon Sessions (guard sa Cleveland).

Gawas sa mga dying seconds three pointers ni Fisher nga sa daghang higayon miluwas sa Lakers, naila usab siya nga captain ug leader sa maon team ug nga ang bugtong makapitol ni Kobe Bryant. Si Fisher ray tuohan ni Kobe kay gadungan man silag sulod sa NBA. Mao na lang kini unta bugtong team mate ni Bryant nga kuyog niya sa lima ka higayon nga na champion sila.

Da nailo si Kobe ning gibuhat sa Lakers. Hinuon nadugangan sila mas mga batan-on ug mas abtik nga mga myembro. Basig masulbad na gyud ang ilang problema sa point guard nga modlaa sa bola.