From Miriam to Bela: The Pinay in the public eye

Karong semanaha nanampung sa iyang dunggan si Private Prosecutor Aguirre dihang nangasaba sa impeachment court si Senadora Miriam Santiago, gi-release sa Nokia ang ilang 41MP camera phone nga N9, mipakita ang Microsoft sa ilang Windows 8, midaug ang black and white silent movie nga “The Artist” sa Oscars, naka break si Kobe og record ni Jordan sa All-Star Games sa NBA. Pero wa koy gana motuki ning maong mga hitabo.

Sama kang Juan Tamad, gahuwat ako ug hangin nga mohapak sa sanga sa bayabas para mobawog kini og akong makab-ot ang mga bunga. Ug tuod man niay duha ka item nga angay hisgutan ning atong gaan ra nga lindug nga milabyog sa akong atubangan. Una, mao kining kontrobersyal nga cover ni Bela Padilla sa FHM ug ika duha, kining usa ka dosena nga mga morena actresses nga gitipun sa usa ka slide presentation sa Yahoo Philippines.

Primal fear of things dark+colonial mentality+glutta advertizing barrage = neo Pinoy racism. Mao kini karon ang issue sa cover sa FHM. Sa mao untang cover, ang puti og panit nga GMA actrss nga si Bela Padilla, gipaluyohan—para pa contrast—og mga mga models nga tabunon og pamanit. Unya gikapsyunan kinig “Bela Padilla stepping out of the shadows.”

Daghan ang mialma niani sa mga social networks, hinungdan nga gi-pull-out sa FHM ang maong cover. Wala pa ma publish ang maong cover apan ila na kining gi-post sa net isip teaser. Maayo na lang kay na detect sa mga publishers ang kusog nga negative vibes sa ilang plano nga giusab nila ang ilang cover.

Tingali aguig kontrapunto, mipagawas og “slides” ang Yahoo Philippines nga giulohan nilag “Fun and fearless morena celebrities.” Duna kini linya sa ubos nga nagkanayon og “These gorgeous ladies show that true beauty doesn’t only rely on skin color.”

Buot unta ko mobasa og article kabahin niani apan usa ra man diay ka slideshow ang giandam sa Yahoo Philippines. Kini sila ang mga celebrities nga di mo makit-an nga mo-indorse og glutathione ug uban pang pseudoscientific formula nga giingng makapaputi.

Ambot kon ngano sad ning mga skin whitener products nga manguha mag endorsers nga puti na daan. Ug ang mga mamamalit magpailad lang sad nga kahibawo man sila nga moputi kining maong mga endorsers kay puti naman lagi ni daan. Tingali ang punto sa Yahoo Philippines mao nga dili ka kinahanglang puti ka og panit para ka ma celebrity. Ug nagpasabut usab kini ng dili kinahangalnun sa usa ka Pinay ang mga skin whiteners para sila mainila ug magmalampuson.

Atong i-juxtapose ang lista sa Yahoo Philippines sa mga Kayumangi beauties (leftt side) sa mga Pilipina newsmakers (right). Ihapa kunog pilay puti.

Lovi Poe/Miriam Defensor Santiago

Bianca Gonzalez/Laila de Lima

Isabelle Daza/Ma. Lourdes Sereno

Michelle Madrigal/Annabelle Tiongson

Alessandra de Rossi/Bela Padilla

Angel Aquino/Kris Aquino

Mylene Dizon/Grace Lee

Venus Raj/Winnie Monsod

Danica Magpantay/Teresita Sy-Coson

Shamcey Supsup/Gloria Arroyo

Nikki Gil/Jessica Sanchez

Gelli de Belen/Vicky Bello

(Walay kahulogan ang mga pagtapad sa mga ngalan. Ato ang gisunod ang lista sa Yahoo Philippines ug atong gitaparan og newsmaker.)