Teryang

Tungod sa Linsteria, nasipyat kos chronology sa teams nga giduwaan niJeremy Lin. Nag-una diay siya sa Golden State Warriors sa wa pa siya gipalagput ngadto sa Houston Rockets.

Tungod sa Linsteria, ang movie director nga si Spike Lee gasul-ob nas Palo Alto high school jersey ni Lin nga gadala og number 4 sa atubangan niani. Misakay usab ang Time magazine niani og gi-cover nilasi Lin sa ilang Asian edition karong semanaha. Ug tungod nianing maong kaguliyang naproblema ang lolo ni Lin nga nanimuyo sa Taiwan kay di naman siya lung-an sa media didto.

Gatuo ang tanan nga nahuman na ang Linsteria dihang naundang sa NewOrleans ang winning streak ni Lin ug sa New York Knicks. Apan kagahapon gipildi sa Knicks ang defending champion sa NBA nga Dallas Mavericks. Miingon ang tag-iya sa Mavericks nga si Mark Cuban nga siyaang unang mi-offer kang Lin og kontrata pero mas mipabor kini saWarriors tungod kay duol ra ang home court ning maong team sa ila sa California.

Daw ang tanang tawo karon dunay ika-ambit kabahin ni Lin.

Ang wild nga display of affection sa mga suki sa Madison Square Garden alang kang Lin duol nas mass hysteria. Ang mass hysteria nga usa ka di kapugngang kaguliyang sa panon. Ang pulong nga hysteria gi-define nga”any frenzied emotional state, especially of laughter or crying…” Of course Beatlemania comes to mind.

Ang Chona Mae-teria nga midagsa sa atong dakbayan ning buwana usa ka example sa mass hysteria.

Ug sama sa tanang kagubot, dunay molutaw nga mga kinaiya sa mga tawo nga naapil niani. Sa maong tsunami scare makaingon ta nga kitang mga Sugbuanon:

1. Dali motuo. Kusog kaayong mikaylap ang taho og gamay ra kaayo ang mi-question ning maong taho. Ang tanan misugod dayog dagan;

2. Wild og imagination. Niabot na tubig sa Colon. Miabot na ang tubig sa Fuente. Miabot na ang tubig sa IT Park. Blame it on TV and pirated disaster movies. Wa na lang gyuy mitawag og kaila nga nagtrabaho sa taas nga building para mosuta niani;

3. Orderly ug dili violent. Gadinaganay ang tanan pero walay nagtukmoranay, walay nangligis, walay nanunob;

4. Surambaw. Ang mga tawo nga diha sa mga taas nga building wa gyud maningkamut pag-inform sa mga mipanic sa ubos nga walay dakong tubig nga galihuk paingon sa dakbayan.

5. Kusog ang survival instinct. Wala dangtig oras may nanag-camping nasa mga higher grounds sama sa bukiran sa Guadalupe ug Busay.

May kalabutan sa kahadlok ug kakakulba ang practical nga applicationsa pulong nga hysteria pero daw layo ra kini sa iyang origin.

Gani makaingon man kita nga may kalabutan kinis biga. Ug typical sa male-biased view sa early science gi-assign kining maong trait odisorder ngadto sa mga kababayen-an. Kay kini kunong unmanageable emotional excess tungod sa uterus nga wa nay duga kay naughan. Usa sailang rekomendsayon sa ga-hysteria mao nga pamabdusan kini para mabasa pagbalik ang uterus ug nga kuno mokusog ang blood circulation.

Ug tungod nianing line of thinking, pagka 1800s gideklarar na nga usaka female sexual dysfunction ang hysteria ug nga usa sa tambal nianimao ang pagmasahe sa ilang kinatawo. (Yoni?) Mao usab kuno kini ang sinugdanan sa paggamit og vibrator.

Taas sad nig lakang si Hys Teria da: gikan sa gaugang kinatawo paingon sa higanteng bawod.