Mga lamas sa DVD

On Llamas’ DeeBeeDee purchase:

1) He didn’t buy pirated DVDs of Tagalog movies, so shut up, Ronnie Ricketts!

2) If Hollywood is still not happy with the gazillions of moolah it rakes in every year, then it should sell us cheap DVDs.

3) I speak for the 99% ;-)”

—from Sem Villareal’s Facebook account

Nyor Gamay (NG): Nakadungog ka aning DVD scandal ron, Nyor?

Nyor Daku (ND): Ha? Tinuod nga naay Katy Perry ug Hayden Koh sex video?

NG: Ahak sad nimo, Nyor, uy! Taga PBB man tong gi-trippingan ni Katy Perry, Nyor, dili man si Hayden Kho. Ang akong gipasabot mao ang iskandalo nga gihimo ni presidential adviser for political affairs nga si Ronald Lamas.

ND: Kay ngano man, Nyor? Apil si Llamas sa mga Pinoy nga gipang hire ni Maria Ozawa sa iyang video?

NG: Intawon sad, Nyor, uy! Basa sag balita panagsa uy.

ND: Nibasa sad intawon ko, Nyor, uy. Nakahibawo gud ko nga namatay nas Congressman Iggy Arroyo nga niadto gidudahang nangalyas nga “Jose Vidal” sa iyang bank account, nga tangtangon na ang noontime TV show sa ABS CBN nga “Happy Yipee Yehey,” nga dunay mibuto nga gi-ingong vintage bomb sa Taguig, nga duna sad tay 26 ka vintage bombs nga pabuthon rong adlawa ngadto sa Toledo sa Carmen Copper Corporation, nga ang babaye nga anak ni Corona nga dunay income nga otso mil nakapalit ug 18 million nga luna sa La Vista Subdivision sa Quezon City. Pero sorry kaayo kay nalipay ko aning DVD scandal ni Llamas? Ngano diay nakita iyang lubot?

NG: Puros lang gyud na inamaw imo Nyor, da. Ang scandal sa lugar ni Llamas mao nga nasakpan siyang mipalit og mga pirated DVD nga mibalor og dos mil pesos.

ND: Unsa may naka eskandalo ana nga di ba mamalit man sad ta og DVD sa Colon?

NG: Pero di man ta taga Malacañang.

ND: Aha double standard ka, Nyor.

NG: Double standard sa imong mata nga nangampanya gud ang gobyerno batok sa pirata unya taga Malacañang ra say namalit og pirated nga DVD.

ND: Medyo comedy tuod. Unsa man ta diay angay buhaton ni Llamas, Nyor?

NG: Mopalit siyag kanang regulated release. Kadaghan niyag sapi unya managinut pa gyud siya ug pirated.

ND: Unya basig dili available ang title nga iyang gipangita. Basig wala pa ma release o wala nay stock. O di ba kaha hinuon X-rated iyang gipangita. O basig non-English titles ang iyang gi planong tan-awon.

NG: Aw moagi na lang siyag torrent sa iyang personal computer?

ND: Unya kon di siya computer literate?

NG: Aw manugo lang unta siya. Dili kay siyay mag window-shopping og pirated DVD.

ND: Sa ato pa, ok lang diay kon di makit-an?

NG: Na unsa man ka, Nyor, mura man sad kag now lang.