Bong Go issues statement on Duterte’s real condition

Senator Bong Go. FILE PHOTO

MANILA, Philippines — With the recent issue concerning the health of President Rodrigo Duterte, a lot of speculations came out about the condition of the 75-year-old Philippine leader. To clarify matters, Sen. Bong Go, who has been with Duterte for decades, issued a statement on the real health status of the President to once and for all clear all doubts.

Below is the complete statement from Sen. Go:

STATEMENT OF SEN. BONG GO
Re: Health of the President

Mahigit dalawang dekada kong kasama si Pangulong Duterte at alam ko ang estado ng kanyang kalusugan. Inaalagaan ng mabuti ng Pangulo ang kanyang sarili. Wala po siyang iniindang sakit na seryoso at hindi natin kailangang mag-alala. Mas malakas pa sa kalabaw ang Pangulo kung magtrabaho para sa kapakanan ng lahat ng mga Pilipino.

Pero ikonsidera rin natin ang edad ng ating Pangulo. Sino ba namang tao na 75 years old na ang walang nararamdamang sakit sa katawan?

Ito ang rason kung bakit nagiging mahigpit ang PSG at ang mga doktor sa kanya para masigurong hindi siya magkaroon ng anumang malubhang karamdaman. Lalo na ngayon na may COVID-19 health crisis, sinisigurado natin na hindi mahahawahan ang Pangulo. Ang health experts na ang nagsabi na ang mga senior citizens ang pinaka-vulnerable sa sakit na ito.

Naisin man ni Tatay Digong na mabisita at makasama ang taumbayan dahil ito na ang kanyang nakasanayang gawin, sa ngayon ay hindi niya po ito magawa dahil marami pong bawal.

Kilala ko si Tatay Digong. Meron s’yang ugali na ipapasa-Diyos na lang ang lahat, lalo na pagdating sa kanyang sariling kapakanan. Parati n’yang sinasabi na “Kung panahon mo na, panahon mo na. It is all according to God’s will.”

Bagama’t may edad na ang Pangulo, ginagawa n’ya ang lahat para sa mga Pilipino. Buo ang kanyang loob na gampanan ang kanyang tungkulin bilang ama ng buong sambayanan na tumatayong poste ng ating tahanan para maalagaan at maprotektahan ang bawat Pilipinong itinuturing niyang anak.

Siya po ang lider na nagti-timon sa atin — wala nang iba — upang tuluyang maiahon tayo sa krisis at maipagpatuloy ang mga pagbabagong nakamit na natin sa ilalim ng kanyang pamumuno. Alagaan natin s’ya at ipagdasal natin palagi ang kanyang mabuting kalusugan.

Having known the President for a long time, I know how much he loves to serve and he is willing to die for his country.

I urge my fellow Filipinos to cooperate and stay united in our efforts to overcome this crisis. Magbayanihan po tayo at patuloy na magmalasakit sa kapwa.

Huwag natin sayangin ang oras natin sa pagkalat ng pangamba lalo na’t may Pangulo tayong nasa maayos naman ang estado ng kalusugan at ginagawa ang lahat ng kanyang makakaya para ipaglaban ang interes, buhay at kapakanan ng bawat Pilipinong pinagsisilbihan niya.

Salamat po.

JPV