Impeachments, more fun of the Philippines

Ug nahuman na ang Sinulog ug nagsugod na usab ang impeachment trial ni Chief Justice Renato Corona. From one fanfare to another, truly, it’s more fun in this country. The Circus hardly ceases. Way undang ang kalingawan.

Dunay pipila ka bisita gikan sa Manila nga nangutana kon may ordinansa ba kuno gikan sa kagamhanan sa dakbayan nga kinhanglang motukar ang tanang mga estasyun sa radio ug ingon man ang tanang estabilisiminto sa turismo ug kumersyo sa Sinulog beat? Nakamatngun man gud sila nga gikan sa airport, dayun sa ilang bus, dayun sa ilang hotel, dayun sa mga malls nga wa may undang ang tukar sa Sinulog theme.

Daw di sila katuo nga way gasugo ning tanan nga magpatukar og Sinulog theme 24/7. Ning ilang reaksyon duna kitay duha ka butang nga mamatngunan. Una, nga nagkahiusa ang tanang Sugbuanon pagsaulog ning maong kalihukan. Ikaduha, nga nanginahanglan na tingali kitag variations sa Sinulog theme kay nahubog nag pinaminaw niani ang atong mga bisita nga murag feeling nila nga gi-brain wash na sila. Murag tulo ra man ka kanta ang patukaron kanunay sa Sinulog. Ang kang Mika Hanopol, kang Dandin Ranillo ug ang Beautiful Cebuana nga gihimo para sa Miss Cebu beauty pageant.

Ug karong humana ang kalingawan sa kadalanan sa TV nasad ta mangitag alegre. Gisugdan kini ganina apan dali ra kini nahuman. Mihangyo ang pundok ni Corona nga maghimo una og preliminary hearing kon valid ba ang impeachment sa Supreme Court Justice apan gi-junk kini ni Senate President Juan Ponce Enrile. Si Enrile maoy presiding officer ning maong impeachment.

Nahimuot akong gatan-aw nga daw basang piso na nagpadaplin si Corona nga sa pipila ka oras pa lang nga milabay daw ginuo siya nga gapasupaso sa Korte Suprima. Ug nga si Jingoy Estrada nga kaniadto usas gi imbistigar sa impeachment ni Erap karon galingkud na isip usas mga huwes sa senado.

Murag ang tinuoray nga democratic exercise sa mga Pinoy dili ang election kon dili ang impeachment ug ang people power.