Teachers’ Day reflection
Okay, class, ang atong leksyon karon mao ang irony. Sa di pa nato sugdan ang atong klase, ato sang kantahon ang atong classroom anthem. Kadtong wa ka memorize, ipaguwa na ang inyong copy sa “Another Brick in the Wall Part 2 (Waters).”
We don’t need no education/We don’t need no thought control/No dark sarcasm in the classroom/Teachers leave them kids alone/Hey! Teachers! Leave them kids alone!/All in all it’s just another brick in the wall./All in all you’re just another brick in the wall.
We don’t need no education/We don’t need no thought control/No dark sarcasm in the classroom/Teachers leave them kids alone/Hey! Teachers! Leave them kids alone!/All in all it’s just another brick in the wall./All in all you’re just another brick in the wall.
“Wrong, Do it again!”/”If you don’t eat yer meat, you can’t have any pudding. How can you have any pudding if you don’t eat yer meat?”/”You! Yes, you behind the bikesheds, stand still laddy!”
Ug karon balikon ta ang pulong nga “irony.” Tingali ang mga suhito tali sa mga pinulungan may mas lawum nga hubad ning maong pulong apan ang pinakaduol tingali niani nga termino sa inadlawadlaw mao ang “sukwahi.” Sukwahi sama sa mga bright nga magtutungha nga maghikug o mga dropout nga mahimong sapian o gamhanan.
Sukwahi sa naandan, sukwahi sa pangagpas. Sama sa nahitabo ni Ramzel Halos nga mikuha sa iyang kaugalingong kinabuhi human sa usa malipayong pagsaulog sa Teachers’ Day sa Maghanoy Elementary School sa Barili.
Daw di motugma ang gihimong pagbitay sa punuan sa manga sa 13 anyos kay puno kaayo kini sa kinabuhi. Kini mao ang kandidato pagka valedictorian sa ilang klase kay sigue man kinig ka 1st place sukad sa iyang pagka grade 2.
Champion kini sa Damath, usa ka duwa nga hybrid sa dama ug math. Siya usab ang public relations officer sa ilang student association. Ug sa adlaw nga naghikug kini misayaw pa kini sa ilang school program ug mihimog poster nga mi greet sa faculty og Happy Teachers’ Day.
Apan ang irony ma minus kon madunggan mo ang istorya sa ilang guidance counselor nga nangita kinis pag atiman sa iyang inahan. Ug matud pa usab sa taho nga kaliwat nila ang maghikug. Duna siyay tiyo ug igagaw nga nagpakamatay usab.
Dungandungan sa pagpanaw ni Ramzel mao ang pagkamatay sa usa ka cultural icon sa America nga usa ka dropout. Ang kalampusan sa Apple founder nga si Steve Jobs daw sukwahi sa gituohan nga sa pagtungha makuha ang kalambuan. Miundang pagtungha si Steve Jobs kay di siya buot mausik ang kwarta sa pamilya nga misagop kaniya. Miuli na lang siya sa ila og naghimo og computer. Ang irony mao nga daghan na karong tulonghaan ug magtutungha nga nag gamit sa iyang mga imbinto.
Ang makalupig ra ni Jobs sa negosyo sa computer mao ang iyang amigo ug karibal nga si Bill Gates (tag-iya sa Microsoft), nga sama kaniya dropout usab. Ironic? Sukwahi? Tingali. Apan matud pa sa pipila ang eskwelahan usa man lang ka racket sa pangwarta.
Okay, class, mao kini inyong assignment: paghimo kamo og essay kon motuo ba kamo nga pangwarta ray tumong ning mga eskwelahan.
