Linda Ronstadt
Pag-abri ko sa gate, ga ngisi na si Rachix Soul. Iyang gikuha ang pitaka gikan sa iyang bulsa og mi-hulbot siyag kwartang papel nga iyang gipa sayaw-sayaw sa akong atubangan.
“Uy! 20 dollars!” Matud ko.
“Pag-ilis Nyor kay ako nasay mo-bangka nimo ron.” Matud pa niya.
“Diin ka ana, Nyor?”
“Hehe…gikuha nakos pitakang Leon gabii. Hubog kaayong buang pataka lag ligid, pataka lag hubo sa iyang sinina. Murag hinatag nis mga turista niya, kay mo tabangtabang man na siyas mga turistas Talisay.”
“Di ka pangitaan ana niya?” nangutana ko.
“Pwerteng huboga uy, di nato kahinumdom.”
“A, daghanag plaka mapalit nato ana,” gisungog ko siya, “makumpleto na gyud imong Linda Ronstadt collection.”
“O, Nyor. Atong hutdog palit ang tanang Linda Ronstadt nga available sa Fairmart: ‘Hasten Down the Wind,’ ‘Greatest Hits Volume 2,’ ‘Simple Dreams,’ ‘Heart Like A Wheel’ ug tanang naas record section.”
Ug tuod man, niadto mis downtown para pabayloag pesos ang iyang 20 US dollars. Didto mis bangko nga duol sa Victor theater nga karon usa nas agi-anan sa UC. Si Rachix Soul ray nisulod sa bangko ug nagpabilin ra kos gawas. Dihang gi-laay kog hinuwat, nisuroy sa kos Colon, ni snacks ug milibut sa tanang record stores. Ga-hunahuna ko nga papaliton sad nako si Rachix Soul og Neil Young o di ba Jackson Browne o Eagles, kay puol man sad og puros nalang Ronstadt among paminawon.
Pag-abot ko sa purtahan sa bangko maoy pag gawas ni Rachix Soul nga gakurog, gipaningut ug kahilakon. “Naunsa ka Nyor?” Gipangutana ko siya?
“Nyor,” Matud pa niya, “gi-alirungan kos teller, manager ug duha ka guardia ug ila kong gi-imbistigar kon diin kuno ko adtong fake nga dollar, di ba kuno apil sa sindikato. Ila lang kuno kong palakwon pero sa sunod ipakuha na kuno ko nilas pulis.”
Fast forward: Ang plaka gipulihan sa cassette nga gipulihan sa MP3. Gikan sa country-folk genre mi-crossover si Linda Ronstadt ngadto sa rock n’ roll (“Living in the USA,” “Mad Love”), Mexican Mariachi (“Canciones de Mi Padre,” “Mas Canciones”), Cuban Jazz (“Frenisi”) ug Broadway (“For Sentimental Reasons,” “What’s New”). Naabtan pa ni Rachix Soul ang cassette diin na record ang iyang paboritong mga soundtrack sa Disney Musicals. Wala na hinuon makapahimus si Rachix Soul sa MP3 player kay mipanaw naman siya.
Rewind: Gi-testingan ko ang bag-o nakong gipaayo nga computer (nga matud pas mga techie pulihanan nas mga tablet) ug naminaw kos mga karaang kanta. Dihang naabot ako sa mga kanta ni Ronstadt, gi-google dayon nako kon unsa nay kahimtang sa maong musical muse sa 70s. Ug nasubo ako dihang nahibaw-an ko nga gi Parkinson’s Disease na si Linda Ronstadt ug di na makakanta.
* * *
Ania ang Blue Bayou ni Linda Ronstadt nga maayong parisan og pale pilsen:
I feel so bad I got a worried mind/I’m so lonesome all the time/Since I left my baby behind/On Blue Bayou
(II)Saving nickles saving dimes/Working til the sun don’t shine/Looking forward to happier times/On Blue Bayou
(CHORUS: I’m going back someday/Come what may/To Blue Bayou/Where the folks are fine/And the world is mine/On Blue Bayou/Where those fishing boats/With their sails afloat/If I could only see/That familiar sunrise/Through sleepy eyes/How happy I’d be)
Gonna see my baby again/Gonna be with some of my friends/Maybe I’ll feel better again/On Blue Bayou
(Repeat II & HORUS)
Oh that boy of mine/By my side/The silver moon/And the evening tide/Oh some sweet day/Gonna take away/This hurting inside/Well I’ll never be blue/My dreams come true/On Blue Bayou
