Zimmerman blues
Robert Allen Zimmerman maoy tinuoray na ngan ni Bob Dylan. Duna siyay sangay nga si Robert Zimmerman, Jr. Dili niya kini anak. Gani murag wala siyay relasyon niini.
Si Robert Zimmerman, Jr. igsoon ni George Zimmerman. Si George ang mipatay ni Trayvon Martin. Si Trayvon Martin usa ka 17-anyos nga lalake nga itom og panit nga mahiligon mosul-ob og sweat shirt nga dunay hood o tabon sa ulo ug parte sa mata. Daghang suspetsado sa pagpangawat ug pagpanulis nga ingon niyag pamorma.
Ga-taligsik samtang galakaw si Martin sulod sa usa ka compound sa Sanford Florida diin bag-o siyang nagpuyo. Ang bantay sa compound nga si George Zimmerman, 28 anyos nga Latino, gaduda nga dunay dautang laraw si Martin kay nagsige mag panan-aw sa mga kabalayan. Gi-tawgan sa bantay ang mga pulis para pag-report niini. Pag-abot sa mga pulis, may binunalan sa ulo si George Zimmerman ug naguba na ang iyang ilong samtang si Trayvon Martin, patay na. Namatay siya sa pinusilan sa dughan. Miangkon ang bantay sa compound nga siya ang mipusil sa batan-on. Human siya imbestigaha sa mga pulis og lima ka oras, gi-buhian siya kay kumbinsido man ang ga-imbestigar nga self-defense o pag-panalipod sa kaugalingon ang iyang gihimo.
Apan gi-pistahan kini sa media sa America nga usa ka racial issue. Gisugyot nila nga gi buhi-an ra ang nakapatay tungod kay itom ang gi-patay niini ug nga dunay racial bias ang mga pulis. Tuod man pipila ka semana human sa insidente gi-dakop si George Zimmerman ug gi pasaka-an og kaso nga manslaughter.
Niadtong usang adlaw gi-hukman si George Zimmerman nga not guilty. Ug ni-ulbo na sab ang kaspa sa America. Tinuod dili ma-salikway ang issue sa racism nianing maong hitabo apan mas may universal issue pa niini: kun unsaon pagdala ang pagka-agresibo sa mga minor de edad.
Ni-adto lang miaging semana gipasanginlan si Konsehal Gerardo Carillo pagbunal ug bato sa usa ka 17-anyos nga lalake nga giingong apil sa rambol nga buot uwangon ni Carillo. Kay wa man akoy anak, wa akoy igong kasinatian para mohatag og panahum ning issue sa teenage aggression.
Si Gerry Carillo ug si George Zimmerman nalakip sa mga hamtong nga duna nay reactionary nga panan-aw sa mga batan-ong agresibo.
