Foot stories
By Gerard ParejaCebu Daily News
Matud pa ang angay natong mas prutiktahan mao ang atong tiil ug dili ang atong ulo. Mao nga kon dali ka sip-unon mas maayo nga mag medyas ka inig kaulog kay sa magtabon ka sa imong ulo.
* * *
Nagkanayun ang usa ka British explorer niadto nga dili lang “status” symbol ang hinungdan kon nangong ipabilin nga gagmay ang tiil sa mga adunahang babaye nga Insik niadto. Duna usab kuno kini “sexual implications.” Nagkanayon ang maong Briton nga tungod sa kalisud paglakang og pag balansi sa ilang lakaw ma develop kuno ang mga muscle sa lubot ug vulva ning mga gagmay og tiil.
* * *
Diha akoy nahinumduman nga usa ka puting estudyante sa Silliman nga miingong usa siya ka cab driver sa New York ug usa sa iyang tumong sa pagtaak sa Asia maong pag pangitag babaye nga gamay og tiil nga iyang pangasaw-on.
* * *
“Foot zoom” may pasiaw nga tawag sa pag compose og hulagway sa camera nga fixed ang lens. Tungod kini kay ang maniniyot mapugos mag atras-abante kay ang iyang lente di man molihuk.
* * *
Tinuod nga ang kumo ni Manuel Marquez maoy nakapahagsa ni Manny Pacquiao apan matud pa ni Freddie Roach may kalabutan gihapon ang tiil niini. Daghang video footage nga nakuha sa tulo ka panagtagbo ni Marquez ug Pacquiao diin Makita nga gitumban ni Marquez ang tiil ni Pacquiao. Matud pa sa trainer nga si Roach dili kini kalikayan kon usa ka walhon (sama ni Pacquiao) ang makigsangka sa usa ka tuohon nga boksidor (sama ka Marquez).
Apan matud pa ni Roach baliktad ang nahitabo sa ilang ikaupat nga pagbanga kay si Pacquiao man maoy nitunob sa sapatos ni Marquez. Nakanayon ang trainer nga suma sa iang nakita nga footage sa usa ka camera nga gadungo gikan sa atop nga dihang natumban ni Pacquiao ang tiil ni Marquez gibira dayon sa nauwahi ang iyang natumbang tiil hinungdan nga daw na out of balance si Pacman og midasmag ang iyang nawong sad aw rocket nga kumo ni Marquez.
Matud pa ni Roach wa sila makapangandam sa mga lihuk sa tiil.
* * *
Malagmit ma bilanggo sa pinaka ka bangis nga prisuhan ang “Blade Runner” tngod sa giingong pagpusil-patay niani sa iyang model nga uyab.
Si Oscar Pistorius ang puti nga track athlete sa South Africa itawag og Blade Runner tungod sa iyang “j-shaped carbon fiber prosthetics” nga iyang gigamit puli sa iyang mga tiil. Mi-intra kini siya sa London Olympics ug nakasulod sa semi-finals.
Matud pa ni Pistorius nga gatuo siya nga intruder (ingnon tang akyat bahay) ang sulod sa iyang banyo mao nga gipusil niya kini luyo sa purtahan. Wa kuno siya magtuo nga ang iyang uyab diay ang sulod sa banyo. Nagkanayon usab siya nga gibati siyag kahadluk sa maong insidente kay kalakaw siya nga wala niya masul-ob ang iyang artificial nga tiil. Wala motuo ang prosecution ning iyang gipanulti labi na kay gikan sa taas nga position ang iagian sa bala.
Follow Us
Recent Stories:
Tags: opinion
