Who’s singing the TRO Blues?

A+
A
A-

Dihang gipangumusta ko ang akong mga higalang maniniyut kon unsa nay kisaw sa kapitolyo mitubag sila nga pitsa 10 pa maaligre. Nangatol akong opaw kon unsay naa ning maong pitsa. Nasayran ko na lang nga mao diay kuno kini ipaminaw sa court of appeals sa Manila sa oral arguments sa campo sa atong suspended governor kon angay bang tagaan og TRO. Ang TRO abbreviation sa Temporary Restraining Order ug dili initial ni Tomas R. Osmena.

Sa lindog ni Bobbit Avila iyang gitudlo si TRO o Tomas R. Osmena nga maoy gapasiugda ning pagsuspenso sa gobernador. Ang BOPK (Bando Osmena Pundok Kauswagan) sakop sa Liberal Party nga maoy nibangga sa gobernador niadtong miagin piniliay.

Sa usa ka press con sa wa pay pasko didto sa Legislative Building uban kang Acting Governor Agnes Magpale ug iyang mga kauban gipangutana ko si Mayor Sitoy sa Cordova kon tinuod ba nga duna pay duha ka suspension order nga giandam batok sa suspendido na nga governador nga si Gwen Garcia. Mitando siya. Dihang gipangutana ko siya kon kanus-a, mitubag siyag -hapit na. Gani mipasiaw siya pagingon nga maguwan kuno og suspension order batok kang Garcia. Apan miagi naman ang Pasko ug bag-ong tuig, Three Kings na ugma ug nagka duol na ang Sinulog apan wala pa man moabot ang gihugonhugon nga duha ka laing suspension order. Matud pa, ang usa may kalabutan sa Balili deal ug ang usa kabahin sa budget sa CICC.

Apan kon tinuod ang mga gisuwat ni Avila, walay suspension order nga isirbe nga may kalabutan sa Balili deal kay malambigit man usab unya kuno niini ang atong acting governor. Si Tomas R Osmena kuno, matud pa ni Avila, ang gabuot nga ang kaso kabahin sa pagpanghilabot ni Gwen sa budget ug personnel ni anhing Vice Governor Greg Sanchez maoy basihan ning suspension order karon.

Pagkuha nako og mga entry form para sa Sinulog video ug photo contest gipasiawan ko si Ricky Ballesteros sa Sinulog Foundation nga mogawas si Gwen sa iyang opisina para mosayaw sa Sinulog ug nga iyang ihalad sa Senyor ang iyang pagkanaog kay para kini sa kalinaw sa dakbayan. Mikatawa si Ricky.

Ug tuod man miadto si Ricky sa opisina sa suspended governor og nangutana siya sa governador kon makasayaw pa ba kini karong Sinulog. Nahimo naman gud nga tradisyon nga mosayaw siya matag Sinulog. Ug mitubag kuno ang gobernador (wa ko makakita sa footage ning maong balita busa posibling masayop ako niani)nga ang resulta sa TRO maoy iyang agdon.

Kon ingnon ta nga mapa gawas gyud si Gwen sa iyang opisina apan modaug kini sa election uban sa iyang partido, maigon ta nga mobalik na usab ang pagka oposisyon ang Sugbo.

Pero basig dunay surprise nga mahitabo sa vice gubernatorial race. Gasigue na karon og sponsor og drama sa radyo si Glen Soco nga kon mahinumduman running mate ni Gwen Garcia niadtong miagig piniliay. Si Acting Governor Magpale ug iyng kaatbang pagka vice governor nga si Ramon Durano IV puros taga Danao ug puros sakop sa pamilya Durano. Dakug purohan nga matunga nila ang ilang balwarte. Ug kon ma maintain lang ni Soco ang iyang mga boto sa miaging election ug unya di magkahiusa ang mga Durano may purohan siyang molusot karon.

Mahimuot akong maghunahuna kon Si Pablo John Garcia ug Glen Soco maoy mangulo sa kapitulyo kay puros ko man kini sila kaila. Ug puros kini sila mutabang sa mga proyekto sa arts and culture. May lang untag di mausab ilang batasan kon sila nay mamunuan.

Bilib sab ko aning Bobit Avila da, siya ray akong nahibawoan nga nga moapil ni P-Noy ning matud pa niya Political Zarzuela sa kapitulyo. Kasagaran gud adto ra ni Mar Roxas kutob ang ilang basul. Kay ang kahulugan gud sa kadaugan o kapildihan sa Liberal party ni Davide ug Magpale mao man ang sukod sa kakusgon sa Noynoy juggernaut sa Central Visayas ning tungatunga sa iyang termino ug usa usab kini ka preview sa Binay-Roxas presidential showdown.

Inquirer Viber
  • Tags:

Disclaimer: The comments uploaded on this site do not necessarily represent or reflect the views of management and owner of INQUIRER.net. We reserve the right to exclude comments that we deem to be inconsistent with our editorial standards.

  • http://profile.yahoo.com/5TENDBNOVQRJEKFPV76D2N4XUM Socorro

    Of course naman De Lima upon the dictates of Pinoy will not issue anything that will benefit Pinoy and LP’s enemies. Kasi they are hindrance to winning the election in the grass root  levels. This is also a preparation for the presidential election in  2016.

To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.

Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate:

c/o Philippine Daily Inquirer Chino Roces Avenue corner Yague and Mascardo Streets, Makati City,Metro Manila, Philippines Or fax nos. +63 2 8974793 to 94


editors' picks

advertisement

popular

advertisement

videos