Two more in the season of the ghosts?
Matud pas akong amigong maniniyut, September pa giandam ang suspension order batok kang Cebu Governor Gwen Garcia. Ug maurag katuohan kini kay niadto mang Agusto namatay si DILG Secretary Jesse Robredo nga maoy nanguo ning maong imbistigasyon. Gani si Robredo man kuno mismo ang miduso ning maong suspension.
Kon mahinumduman mi-charter og eroplano gikan sa Cebu si Robredo, niadtong unang semana Agosto, nga nahagsa sa dagat duol sa Masbate ug nga maoy hinungdan sa iyang kamatayon ug sa duha ka piloto niini. Matud pa sa Malacañang, niadto pang Hulyo 26 gipirmahan ni Robredo ang maong suspension order. Apan kay gikuhaan man lagi siyag kinabuhi wala dayon kini mapatuman labi na kay ga-restructure pa ang DILG.
Ug nagkanayon ang akong higalang maniniyut nga kaning suspension order batok kang Gwen, nga naggikan sa kaso nga gipasaka ni anhing Vice Governor Greg Sanchez, mao lang ang una ug may duha pa ka order batuk kaniyo nga mosunod niani. Kon tinuod man gani kini makapangutana kita kon may kalabutan ba sa Balili transaction ug sa CICC construction kining duha ka umaabot nga kastigo batuk kang Gov. Gwen.
Ang tinubdan ning iyang ning iyang giatubang karon nga suspension mao ang giingong pagpanghilabot niya sa budget ug sa mga empleyado ni Sanchez.
Matud pas akong amigo nga kolumnista sa laing pamantalaan misaka na kuno ang rating ni Congressman Pablo John Garcia isip kandidato pagka gobernador ug malagmit mao kini hinungdan gipiit karon ang Garcia sa partido nga alyansa sa Malcanang. Si Pablo John maoy modagan puli sa iyang maguwang nga karon gasilbe sa iyang katapusang termino.
Daghan usab ang miingon nga ang timing ning maong suspension klarong may politikananhong kolor. Dili na maka suspenso ang kagamhanan inig ka Enero tungod kay maapil naman kini sa election period nga dili makahimo sa maong aksyon.
Apan gihimakak kini sa Malacanang ug sa Liberal Party. Gipasabot sa kagamhanan nga legal kining maong pag suspende kaniya kay gibasihan man niani mao ang iyang nahimong kalapasan.
Kon si Gloria Arroyo ug si Chief Justice Corona gigukud sa ispritu ni Cory, tingali makaingon kita nga si Gwen gilagas sa kalag ni Sanchez ug Robredo. Dili diay mahuman ang tahas sa binuhat uban sa pagkadugta sa iyang lawas. Sama sa Pasko gisaulog ta ang pagkatao sa manunubos bisan pa og dgay na kaayo nga namatay human siya gilansang sa cross.
Welcome to Yuletide, Welcome to the season of ghosts and spirits.
