Quantcast

Salins Hulbot

For the love of Sotto, nudists and Middle East

By |


Love Guru (LG): Dayon, Nyor Gamay. Maayo kay nakaligo ko ron ug nga di na ka kimawan makig-istorya nako. Kape? Dia koy Nescafe Gold nga 3-in-1, Nyor. Tilawi.

Nyor Gamay (NG): Hain na man diay imong Kopiko?

LG: Nahutdan ta Nyor. O dia na imong kape. Ayawg higupa dayun kay mahilis unya imong lagos. Unsa man tay akong ikaalagad nimo?

NG: Mangayo ta kos imong mga panahum sa mga issues karon.

LG: Haha. Kadaghang pamantalaan, Nyor. Napuno na silag kolumnista. Naa pa gyuy mga bag-ong bloggers nga lapad-lapad na ang kasayuran.

NG: Ganahan ko nimo Nyor kay simang kag tubag unya mugbo ra.

LG: Mao ba. A maayo sad hinuon para ikaw na lay mosuwat sa akong book of quotes, hahaha.

NG: Bitaw Guru, unsaon ta naman nis Tito Sotto nga human nangayog pasaylo sa mga Kennedy nanabla na man hinuon og miingong si John F. Kennedy plagiarist sab.

LG: Usa ray tambag nako ni Sotto Nyor: attribute or paraphrase. Or paraphrase and attribute. Daghan pang mobilib niya. Makaingon sila nga ngiga aning Tito, o, daghan mag nabsahan.

NG: Bitaw Guru. Kaning gihangyo nga ceasefire sa mga nasud nga duol sa Israel ug Palestine.

LG: Way Ceasefire.

NG: Ha?

LG: Unya lami ra imong kape?

NG: Lami, Nyor, pero tam-is ra kaayo.

LG: Sakto ka Nyor, lami pero mura pang bata. Nawala ang iyang kapait nga atong ma-associate sa kape. Sa giingon nilang ceasefire, may tingali nga mandatory nga after 24 hours nga di motira ang mga Hamas sa Israel, moundang nag tira ang Israel. Inig usab sa Hamas aw pauwanan na sab sa Israel ang ilang mga kontra.

NG: Bawos-bawos, Nyor? One is to one ang exchange.

LG: Dili. Way sukod sa bawos.

NG: Kaning duso sa Konseho sa San Francisco nga i-ban na ang nudity sa ilang lugar.

LG: Problema nas di kahibaw molingiw. Adtong usang semana Nyor diha may babaye nga gahubo sa dan C. Padilla ning dakbayan. Diri man kos luyo sa jeepney unya gaatubang man siyas direction sa Jai-Alai mao nga luyo nay akong nakit-an. May kuyog syang laing babaye nga nagngisi.

NG: Mao ba Nyor? Pero unsa man ning exhibit sa Vienna sa mga male nude art pieces. Sa akong nabasahan shocking lang kuno gihapon sa taga-didto male nudity.

LG: Ambot lang Nyor kay wa man ko kaadtog Vienna pero sa ato kun ang lake makakitag babaye nga gahubo mohilom nig kalit. Pero kon babaye makakitag lalake nga gahubo, makuratan kini unya mopadaplin unya muokatawa. Dihay kausa nga mi-shoot kog nude nga mga lalake sa tunga-tunga sa dagat sa mga isla nga duol Mactan.

Gilibutan mig mga mananagat nga ngapunay og tudlo sa mga kinatawo sa gahubo ug nagsige silag katawa. Ang atong kultura nga wa pa kaayoy malisya magkatawa sa male nude form. Sa Vienna ug sa ubang parte sa Europe medyo may hilas na ning gamay.

NG: Mao ba Nyor? Salamat kaayo sa imong kape ug mga pulong.

LG: Balik-balik kay motilaw na sab tas San Miguel coffee next time.


Follow Us



More from this Column:


Recent Stories:

Complete stories on our Digital Edition newsstand for tablets, netbooks and mobile phones; 14-issue free trial. About to step out? Get breaking alerts on your mobile.phone. Text ON INQ BREAKING to 4467, for Globe, Smart and Sun subscribers in the Philippines.




Copyright © 2014, .
To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.
Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate:
c/o Philippine Daily Inquirer Chino Roces Avenue corner Yague and Mascardo Streets, Makati City, Metro Manila, Philippines Or fax nos. +63 2 8974793 to 94
Advertisement
Advertisement
Marketplace
Advertisement