Super Hirit
Usa ko sa nagrasyahan ni San Pedro Calungsod?
By Lloyd SuarezCebu Daily News
Nabalaka gyud ko sa akong kahimtang niadtong Biyernes sa buntag nga di ko maka-deliver sa akong News Flash Bulletin dihang ang tuo nga bahin sa akong dunggan nasudlan og daku’ng hulmigas nga itom samtang namasilong mi ni Ma’am Elena Pelobello among opisyal sa News Department sa GMA-7 sa punoan sa kahoy diha duol sa Provincial Commission on Elections (Comelec).
Samtang nag-istoryahanay ni Ma’am Elena nakabantay ko nga dunay mga insekto nga nangahug sa akong ulo.
Dihang nagbuwag mi sa among tagsa-tagsa ka adtoan nakabantay na ko nga medyo alangiis na paminawon akong dunggan ug moaksyon og kasakit.
Nadiin-diin ko sa pagpakitabang nga makuha ug makagawas ang insekto apan pakyas ko dul-an usa ka oras.
Hangtud nga nangaliya ko ug nagpakitabang kang San Pedro Calungsod nga mogawas ang som kay sa akong huna-huna puwerte’ng hasula gyud og gasto na kaayo nga mo-adto ug EENT o espesyalistang doktor ug kaluoy sa Diyos nakabantay ko nga inanay siyang migawas ug akong gipakuha sa usa sa mga tiglimpyo sa Palace of Justice.
Salamat San Pedro de Cebu!
* * *
Konbinsido na gyud ko nga migrabe na pag-ayo ang palusot sa mga illegal nga drugas diha sa New Cebu City Jail Bagong Buhay Rehabilitation Center Kalunasan ilabina sa shabu.
Akong tinubdan nga bag-o lang milaya mibutyag nga bisan unsaon pag-estrikto sa mga kadagkuan sa Bureau of Jail Management and Penology (BJMP) di gihapon masumpo ang problema tungod kay mga gwardya ra gihapon sa BJMP ang nagmaniobra nga molusot ang mga kontrabando.
Kaniadto pa kining palusot. Sumaa gud niadtong didto pa sa may Asiatown IT Park ang BBRC sayon kaayong nakasulod ang bilyaran ug kantahanan ni anhing Joel Nodalo alyas “Joel Tongol.”
Bisan si Philippine Benevolent Missionaries Association Supreme Master Ruben Ecleo Jr. nakapasulod sa iyang uyab sa iyang selda ug daghang kwarta ug electric cutter.
Nakasulod man gani kining mga butanga nga dagku pa kaayo og sayon kaayong makit-an. Unsa na kaha kun shabu nga pwede rang ipalugpit.
Matud sa akong tinubdan nga silang mga piniriso wa gyuy puasa sa shabu basta duna lay kwarta kay dunay daghang baligya sa sulod.
Gani matud pa hambugero kaayo silang mga piniriso nga lantaran ang paagi sa paggamit sa shabu ug makapanghambug pa sila sa mga moduaw nga magpitik-pitik sa plastic nga shabu ang sulod.
Gawas sa shabu miuso usab pag-ayo ang paggamit nila og nubain.
Nasayod ko nga ipanghimakak gihapon kining maong isyu sa mga kadagkuan sa BJMP. Way kawatan nga moangkon ilabina kun makaapektar kini sa ilang liderato.
Kumusta na man tuod ang imbestigasyon sa mga kadagkuan sa BJMP sa pag-ambush patay ni Jail Officer Labata nga igsoon ni Cebu City Assistant Prosecutor Simaco Labata?
Hangtud karon wa pay napasakaan og kaso sa pagpatay ni Labata kinsa aktibo ug estrikto kaayo sa mga palusot nga maoy hinungdan nga daghan kaayo siyag nadakpan ug nakompiskar sa wa pa siya gipatay.
Nagtuo ko nga ang motibo sa pagpatay ni Labata mao gyud ang sindikato sa illegal nga drugas sulod sa BBRC Kalunasan.
Kun sayon rang makalusot ang shabu diha sa BBRC di sab lisud palutson sa atbang sa Cebu Provincial Detention and Rehabilitation Center ug ingon man didto sa Mandaue ug Lapu-lapu City Jail ug sa ubang jail facilities.
* * *
Akong nasabtan atol sa among programang “Dialogue on the Air” niadtong Sabado sa dySS Super Radyo nga nag-ayo lang ang pagka-estrikto sa taga Comelec ngadto sa mga sakop sa media nga mokandidato sa eleksyon basi sa Republic Act 9006 kon “Fair Election Act.”
Sa probisyon sa RA 9006, nagmandu nga ang mga on-air personalities nga mi-file og certificate of candidacy kinahanglang mo-resign o ba kaha mo-take og leave of absence sa panahon nga magsugod na ang pangampanya sumaa pa ni manlalaban Enerio Ocariza Jr sa tumong nga paundangon pagpanibya ug pagmantala aron sab may kaangayan sa ubang kandidato.
Apan sa samang balaud, tak-om ug way regulasyon batok sa mga radio block timers nga gamiton sa mga politiko ug pahimuslan sa mga partido pag-atake sa kontra.
Buot ipasabot nga bintaha pa ang mga politiko nga may kwarta kay dili mapatak-om sa taga Comelec ang mga binayran nilang magsisibya.
Asa man ang kaangayan sa “Fair Election Act”? Gipasar kini aron pag-dehado sa mga sakop sa media nga mang-ambisyon?
Si Ocariza nagkapuliki sa pagdepensa sa ilang buhatan sa Comelec sa mga punto sa mga media practitioners nga akong gipang-imbitar sa maong programa sama nila ni Sir Jojo Solante kinsa milansar pagka-bise mayor sa Tudela Camotes, Boyet Cortes pagka-gobernador, Yody Sanchez pagka-Cebu City Councilor sa north ug nila ni Dave Tumulak ug Tisha Aisha Ylaya kon Inday Tikay sa south district.
Si Ocariza miingon nga andam gihapon silang mo-imbestigar kun dunay written complaint nga madawat ilang buhatan.
Magmakuli sila sa paghimog mga inisyatiba sa pag-monitor sa mga radio block timers paglikay sa pagduda nga sila nabayran sa kaatbang.
Kun ingon ani ang actuations sa Comelec nagpasabot kini sa ilang pagkainutil pagtuman sa insaktong mga lagda.
Ilang obligasyon ug ilang trabaho nga mahimong patas ang eleksyon bisag kinsay mangaigo.
Si Marlon Baula chairman sa Kapisanan Ng Mga Broadcaster ng Pilipinas misugilon nga kadto rang mga KBP members stations ug mga magsisibya ang ilang mapahamtangan og silot ug maimbestigahan.
Samtang ang taga National Telecommunications Commissions maoy adunay katungod pagpahunong sa mga magsisibya nga dili miembro sa KBP sama sa mga block timers.
With all due respect wa pa ko makadungog nga dunay mga radio block timers nga gipang-pagngan sa taga NTC.
Follow Us
More from this Column:
- Davide for president sa 2016
- Sobra pa sa pusoy ang mga pildero
- Imposible gyud nga mahitabo ang failure of election
- Congrats sa PNP Talisay
- Kanus-a pa kaha mawa ang pinalitay?
Recent Stories:
