Salins Hulbot
The new media
By Gerard ParejaCebu Daily News
May kalabutan sa emotions ug objectivity ang kasagarang gipangutana sa mag bag-ong estudyante sa upat ka mga tao nga nangllingkud sa entblado sa usa ka open forum nga gipahigayon sulod sa usa ka sinehan sa SM.
Ang upat nga nanglingkud sa entablado mao sila ni Jay Taruc, Kara David, Sandra Aguinaldo ug Howie Severino. Sila ang mga nawong sa documentary show nga “I-Witness.” Ang multi awarded nga “I-Witness” gikaingong maoy nagpasikat sa format nga documentary sa Philippine TV. Daghan nang gahimo ug buot mohimo og mga dumaentary human na-absorbed sa TV viewers (via sa “I-Witness”) ang maong genre sa news and public service programming.
Apan sa press con sa wala pa ang open forum ang topic nga gi-istoryahan sa upat ka documentary host ug sa local press mao ang “new media” o internet.
Kay dawaton man nila o dili sa mga nanarbaho sa TV, ang ilang medium, sama sa newspapers nalakip na sa mga dinosaur sa media, mga dagko, gastos nga pamaagi sa balita nga medyo nabiyaan sa kapaspas sa internet.
Ang strength sa old media sama sa pagorganisar o paghan-ay sa mga impormasyon nga ipaguwa niani mao usay weakness sa internet nga katag kaayo. Sa pagkakaron daw mas kasaligan pa ang mga reporter sa old media tungod kay mas visible man sila ug nga sa ingon mas daling kasudyaan kon duna man silay mga sayop.
Ug tungod usab kay may kwarta man ang dagkong networks makasuhol silag mga eksperto nga motuki sa taho. Ug tungod niani mas kasaligan ang mga sugilanon nga gagikan kanila.
Apan miangkon si Howie Severino nga nausab na ang pamaagi sa pagsikop og balita sukad midagsa ang internet sa atong kinabuhi. Matud pa ni Sevrino nga ang una niyang buhaton inig mata niya, sa di pa siya maligo o mang limogmog mao ang pagabri sa internet oog pagtan-aw sa iyang facebook ug twitter kon unsay kalihukan o gikalingawan sa iyang mga higala ug kauban sa trabaho. Ug iyang sundon kining maong mga “leads” ngadto sa sunod nga dagkong balita.
Si Sandra Aguinaldo, sa iyang bahin, miingon nga wa nay kinahanglan nga adtuon iterbyuhon ang mga grupo sama sa mga Abu Sayyaf sa ilang lugar kay kon duna silay buot ipahibawo sa katawhan kahibao naman sila mo email og press release sa mga sakop sa old media. Kon moadto kas ilang lugar para mo interview imo lang gitugyan imong kaugalingon para kidnapon ug panagyuag ransom.
Ang instant feedback nga mahatag sa new media maoy kusog niani nga di ma-apsan sa old media. Wala pa gani kuno siya mahumag hatag sa iyang taho daghan nang saway ang nanunga sa twitter. Ang ilang pamaagi sa pag tratar sa social media mao nga di nia tubayan ang mga nanaway, nangaway ug nanginsulto kanila. Pasagdan na lang nila ang wa makauyon kanila pero ang nakaayo niani kay mahibaw-an nila kon unsa sa ilang gipanghimo ang wa maoyuni.
Follow Us
More from this Column:
Recent Stories:
