Imagine there’s no China
Matud pas Commander sa United States Marines in the Pacific nga si Lt. Gen. Duane Thiessen, ang Pilipinas ug America dunay kasabutan parte sa pagpanalipud nga gikinahanglan nga tumanon.
“The United States and the Philippines have a mutual defense treaty, which guarantees that we get involved in each other’s defense and that is self-explanatory,” miingon si Thiessen didto sa Puerto Princesa, Palawan.
Kining maong mga pulong giluwat sa general atol ning panagbikil sa China ug Pilipinas sa Scarborough Shoal (Spratleys/Kalayaan Island) sa West Philippine Sea diin gaatubangay ang mga barko sa Pilipinas ug China.
Giangkon sa China nga ila kining teritoryo bisan pa man og mas duol pa kini sa Pilipinas. Apan klaro kaayo nga paugat ra kining ila kay kun gibati pa nila nga ilaha gyud kini di unta sila magpataka lag panglangkat og corals ug pasagad lag pangisda. Nakahibawo sila nga dili kini ila mao nga ilang giabusahan kining maong lugar.
Ang China maoy giingong pinakagamhanan nga nasud karon. Ang America nga kuno modapig nato dako kaayo og utang sa China. Ang gahum na lang kuno sa America karon mao ang ilang kusog militar. Ug kini gisugdan na usab paglupig sa China kay duna na man kuno silay mga rocket nga kun paluparon makaabot nas nahimutangan sa mga aircraft carrier sa America.
Ang America dugay nang galagot sa China kay tungod sa barato nga sinweldohan niani sa ilang mga trabahante nahimong barato kaayo ang mga produkto niani ug nga tungod niani dili na makakompetensya sa presyo ang America.
Ang usa sa pinkainila nga produkto karon sa America mao ang Apple. Ang mga iPhone, iPod, iPad ug uban pa nga produkto sa Apple sa China na gipahimo tungod sa barato nga labor niani. Dili lang ang Apple maoy American company nga ngapa job out sa China. Ug tungod niani daghan na ang way trabaho sa America kay minus na man ang production sa maong nasud.
Ang China kusog kaayo mo-imitate sa mga produckto sa Europe ug America ug ila kining ibaligya sa mga nasud sama sa Pilipinas diin ang kadaghanan sa mga tawo dili maka-afford sa original nga product. Mao nga China nga maoy gahimo sa gun powder ug kalendaryo mao usab karoy hari sa piracy ug sa mga imit.
Haay kining mga kanasuran, makahinumdom lang kitas kanta ni John Lennon nga “Imagine.” Alang sa mga nakalimot, ania ang lyrics:
“Imagine there’s no heaven / It’s easy if you try / No hell below us / Above us only sky / Imagine all the people living for today
Imagine there’s no countries / It isn’t hard to do / Nothing to kill or die for / And no religion too / Imagine all the people living life in peace
You, you may say / I’m a dreamer, but I’m not the only one / I hope someday you’ll join us / And the world will be as one
Imagine no possessions / I wonder if you can / No need for greed or hunger / A brotherhood of man / Imagine all the people sharing all the world
You, you may say / I’m a dreamer, but I’m not the only one / I hope someday you’ll join us / And the world will live as one”
Hinuon makaingon tang idealistic ra kaayo ang mga linya ni Lennon. Kay kun wa say nasud kinsa may manalipud sa mga dagat ug lasang gikan sa mga abusado? Pero hinuon si Lennon mismo miangkon man nga usa lang kini ka nindot nga damgo. Usa ka damgo nga gihagad niya nga atong saw-on.
