Super Hirit
Maayong patagamon ang North Korea
By Lloyd SuarezCebu Daily News
Subo gyud kaayo kining balitaa nga mihulga na ang nasud sa North Korea nga andam silang makiggubat sa mga nasud nga mopaulbo sa ilang paluparon nga rocket niining tunga-tunga sa Abril 12 ngadto sa Abril 16.
Kagubot ug giyera gyud ang sangputan niini kay mibahad baya daan ang Japan ug Amerika nga ilang bungkagon ang rocket sa dili pa moabot sa ilang mga teritoryo.
Gani sigun usab sa kasayuran nga mipahimangno ang North Korea nga di pahilabtan ang mga debris o tipaka sa rocket nga ang uban niini gibana-banang mo-igo sa norte nga bahin sa Pilipinas.
Nanggawas na karon ang mga hungihong nga posibleng molusad og laing nuclear missile test ang North Korea.
Kun tinuod man kining balitaa nga maoy tonada sa North Korea mas maayo tingali nga maghugpong ang mga dagkung nasud sama sa Amerika, Britanya, Japan ug China nga molusad og sayo nga offensive military operations batok sa North Korea sa dili pa modaku ang sitwasyon.
Puslan man nga kagubot ang tumong sa North Korea mas maayong unhan ning mga kanahan aron makitang katag.
Sanglit kitang mga Pinoy nga way ikabuga kun rocket maoy hisgutan, magpadala na lang kita og tropa ug ipakita sa tibuok kalibutan nga duna kitay mahimo batok sa North Korea.
* * *
Nindot kun modayon paglansar pagka-kongresista sa north district si former Cebu City councilor Sylvan “Jack” Jakosalem nga maoy moalkontra sa mga Del Mar.
Di pag-discourage ni konsehal Jack, apan akong naobserbahan nga medyo patas ang ilang away kun si Congresswoman Cutie del Mar maoy molansar.
Pero kun si kanhi kongresista Raul del Mar nga amahan ni Cutie mao nay molansar, medyo kutas gyud alang ni City Traffic Operations Management Chairman Jakosalem.
In fairness ngadto ni former Lahug barangay captain Mary Ann delos Santos kinsa dunay igong katakos apan wa pa maanad niya ang tibuok residente sa north district niadtong ilang sangka ni kongresista Cutie del Mar hinungdan sa iyang pagkaparot.
Mas maayong suwayan ni Jakosalem aron sab dunay insaktong kapilian ang mga tawo.
Kanang kadaugan unya na mahibaw-an kun un say resulta sa eleksyon.
* * *
Wa pay bisan usa nga intresado kagahapon nga niapil ug bidding sa gipahigayong public auction sale sa korte sa 9.7 hectares sa South Road Properties aron ibayad sa mga Rallos.
Daw sama sa panultihon sa mga katigulangan nga medyo gilangaw ang auction sale kagahapon.
Dunay migawas nga istorya kaniadto nga interesado si Pambansang Kamao Manny Pacquiao. Kagahapon sab migawas ang pangan sa mga Gaisano.
Nagkatawa lang ko sa akong amigo nga miingon kanako nga interesado siyang mosalmot sa auction sale unya tag P1 ang iyang palit matag metro kwadrado.
Iyang rason tungod kay diha sa SRP maoy unang maigo sa tsunami. Ikaduha, dili na maayong paliton og mahal kay hapit na matapos ang kalibutan. Ikatulo possible nga moulbo ang ikatulong gubat sa kalibutan tungod niining kalaki sa North Korea pagpalupad sa ilang rocket. Samtang ang ikaupat nga rason sa iyang pagpalit og barato tungod kay daghan nang libaong ang SRP.
* * *
Angayang mangayo na sab ug usbaw sa suholan kaming mga ordinaryong trabahante tungod kay gawas nga mimahal ang presyo sa mga basic commodities gumikan sa kamahal sa gasolina di na sab mapugngan ang laing increase sa tuition fee karong Hunyo.
Momahal na sab ang plitihan sa mga bus, taxi ug public utility vehicles.
Medyo bug-at na gyud namong mga trabahante kining kahimtanga sa pagpuyo ilabina nga dunay mga estudyante.
Sa gipahibawo ni Dr. Marcial Degamo, DepEd-7 chief for quality assurance and accountability division, nga miabot na ug 26 ka mga tunghaan sa Central Visayas sa private elementary ug secondary level ang mopatuman ug usbaw sa matrikula gikan sa 4 percent ngadto na sa 42 percent sa 2012-2013 school year.
Wa pay labot dinhi ang atong mga dagkung colleges and universities.
Maglaum ko nga mag-convene ang mga naglangkub sa Regional Tripartite Wages and Productivity Board kon RTWPB aron estudyuhan na sab ang insaktong usbaw sa suholan.
Follow Us
More from this Column:
- Angayng ibartolina si Joavan
- Davide for president sa 2016
- Sobra pa sa pusoy ang mga pildero
- Imposible gyud nga mahitabo ang failure of election
- Congrats sa PNP Talisay
Recent Stories:
